بلبل اولسام اوچارام ، اوز گولومون ساغ لیغینَ
غنچه اولسام آچارام ، بلبلومون ساغ لیغینَ
عاشق اولسام ایچرم ، دلبریمین ساغ لیغینَ
ساقی اولسام توکرم ، دوسلارمین ساغ لیغینَ
.
.
قزلدان اولسا قفسیم
آزادلوقا وار هوسیم
خاطرین ایسترم عزیز
هرنَقَدَر وار نفسیم
.
.
اولموش گوزلیم ماه رخون آیه برابر
مستانه گوزون نرگس شهلایه برابر
دنیانی من ورسله سنسیز نیه لازیم ؟!؟!
هربیر باخیشین هر ایکی دنیایه برابر
.
.
ایستیرم گوزلروین نقشینی تصویره چکم
نیلییم سنسیز عزیزیم ، گنه دنیادا تکم
سن منیم نازلی گولومسَن ، گوزلیم دردین آلیم
اوزون انصاف اِله ، سنسیز نَجه دنیاده قالیم ؟
.
.
دوشوب عشقین باشیما ، ای سنه قوربان گوزلیم
گول جمالیندی فقط ، دردیمه درمان گوزلیم
یوخو گلمیر گوزومه ، صوبحه قدر من اویاغام
هارداسان ؟ آختاریرام من سنی حیران گوزلیم
.
.
غم آغاجی بیزه سایه سالماسین
عشقین غمی ، صبریمیزی آلماسین
من چکمیشم بو انتظار چتیندی
هیچ عاشقین گوزو یولدا قالماسین
.
.
گوزَل لرین قلبی سن
شیرین دیلین قندی سن
دنیالار سنه قربان
اورگمین بندی سن

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: